ها تستفيد اية؟

هاتستفيد اية؟
اية يا عم عامل اية محدش بيشوفك يعنى اية الاخبار والله واحشنى....... ستوووب مش هو دة الموضوع .
الموضوع ان اللى بيقول كدة او اللى بتقول كدة بيبقى حد بقالى كتير مشفتهوش فا بيجاملنى وانا بجاملة او حتى لو الكلام دة كلة من القلب عادى مفيش مشكلة.

انما لما يكون واحد صاحبى يقولى اية يا عم الجمال دة انت جامد اوى يلا حبيبى والله ونفس الشخص يجى من ورايا يقول عليا مش انا انا يعنى اى حد بس دة مثل الواد دة عيل مش تمام وانا مبحبهوش وبصراحة انت احسن منة ودة هايبقى بيكلم واحد صاحبى تانى طبعا ويعيد نفس الكلام اللى قالة معايا معاة . دة بقى او دى نقولهم هتستفيدوا اية؟
هتستفيد اية لما نافقتنى وانت مبتحبنيش ؟
هاتستفيد اية لما كرهت فيا واحد صاحبى ؟
هو كدة مش بيضحك عليا طبعا ولا بيكسبنى فى صفة لان العين فضاحة زى ما بيتقال ولو بيعرف يمثل اكيد ربنا هيظهرة على حقيقتة .
بس دة بقى بيبقى مرض مش نصاحة منة اكيد او نقص .
مع ان لو كل واحد فى الناس دى فكر شوية هو اللى هايعالج نفسة من المرض دة والنقص دة .
مفيهاش حاجة لما تقول الصراحة دى حتى الصراحة راحة اوى .
ودايما الصريح الناس كلها بتحبة .
ومش مهم تقول للشخص اللى مش بتحبة كدة بس متنافقهوش ابعد عنة احسن ما تضحك علية . لانك لما تيجى تضحك على واحد طيب هايبقى فاهمك بس مش هايقدر يقولك اللى فى قلبة عشان طيب هيريحك بس .
انما لو واحد بقى صريح وبيحب يريح يا عينى هايديك دبش سورى فى اللفظ
بس هو دة اللى هايحصل وهتبقى خناقة طبعا المنافق عايز يسبت للناس انو مش بينافق والتانى اللى هو الصريح مش هايسكت .
يبقى كدة المنافق دة استفاد اية ؟